Цаг уурын мэдээ > Хөдөө аж ахуйн цаг уурын тойм
2023 ОНЫ 5 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ
Температур: Агаарын дундаж температур нийт нутгаар 11.7-15.9 градус дулаан /1 дүгээр зураг/, олон жилийн дундажтай харьцуулбал Мандах, Хөвсгөл сумдын нутгаар дунджийн 0.3-0.9 градусын орчим, бусад нутгаар дунджаас 1.2-4.3 градусаар дулаан байлаа. /2 дугаар зураг / Үнэмлэхүй их температур өдөртөө Замын-Үүд суманд 27 градус дулаан, үнэмлэхүй бага температур шөнөдөө Айраг суманд 1 градус хүйтэн байв.
Хөрсний гадаргын дундаж температур нийт нутгаар 15-21 градус дулаан, үнэмлэхүй их температур өдөртөө Дэлгэрэх суманд 48 градус дулаан, үнэмлэхүй бага температур шөнөдөө Мандах, Дэлгэрэх, Айраг, Иххэт сумдын нутгаар 4 градус хүйтэн байлаа.
Хур тунадас: Энэ 10 хоногт Сайхаандулаан сумдад 0.0 мм, Мандах суманд 0.9 мм, Эрдэнэ, Алтанширээ сумдад 1.0 мм, Айраг суманд 2.2 мм, Иххэт суманд 3.3 мм, Хөвсгөл суманд 3.8 мм, Замын-Үүд суманд 8.6 мм, Хатанбулаг суманд 10.8 мм Улаанбадрах суманд 11.6 мм бороо орлоо. Бусад нутгаар хур тунадас ороогүй / 3 дугаар зураг /. Орсон хур тунадасны нийлбэрийг олон жилийн дундажтай харьцуулахад: Замын-Үүд, Улаанбадрах, Хатанбулаг сумдын нутгаар дунджаас ахиу, Сайншанд, Мандах, Хөвсгөл, Эрдэнэ, Алтанширээ сумдын нутгаар дунджаас бага, бусад нутгаар дунджын орчим байлаа. / 4 дүгээр зураг /
Салхи: 10 хоногт салхины хамгийн их хурд Мандах суманд 29м/с, Хөвсгөл суманд 21м/с, Сайншанд суманд 20м/с бусад сумдын нутгаар 9-18 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 2-7 өдөр байв.
Бэлчээрийн ургамал: 5 дугаар сарын 9-ний байдлаар Сайншанд, Иххэт, Улаанбадрах, Хатанбулаг сумдын нутгаар бэлчээрийн ургамал таана, хялгана, хазаар цухуйсан бусад сумдын нутгаар цухуйлтгүй байна
МАА-н үйлдвэрлэлд: Мал нэмэгдэл тэжээл өгөх, тарилга хийх, туулга өгөх, мал төллүүлэх, мал оторлох ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.